Kəşmir qaynamağa başladı

Pakistanın idarə etdiyi Kəşmir yenidən gərginləşib.

TodayPress TV xəbər verir ki, yerli KİV-in məlumatına görə, güclü gözyaşardıcı qazdan istifadə edilməsinə baxmayaraq, etirazçılar Ravalakot küçələrinə çıxıblar.

Etirazlara iyun ayında antiterror qanunvericiliyi əsasında fəaliyyəti qadağan edilən Birgə Avami Fəaliyyət Komitəsi rəhbərlik edir. Komitə oktyabrın 4-də elektrik enerjisinin qiymətləri, subsidiyalar və qaçqınlar üçün ayrılmış 12 məclis yerinə etiraz olaraq regionda tətil elan edib.

Təşkilatçılar iyun ayında başlayan qarşıdurmalardan bu yana onlarla insanın öldüyünü bildirirlər. Rəsmi dairələr isə bu rəqəmləri təkzib edir və baş verən zorakılığa silahlı qrupların səbəb olduğunu deyirlər.

Hökumətin hərəkatı qadağan etməklə etirazların qarşısını almaq cəhdi isə nəticə verməyib. Qadağadan dörd ay sonra Ravalakot küçələrində kütləvi etirazlar yenidən davam edir.

Jalə Rövşən