Husilər Yəmən liderinin evini ələ keçirdilər

Yəmənin şimalına nəzarət edən “Ənsar Allah” hərəkatı (Husilər) ölkənin cənub-qərbində yerləşən Taiz əyalətində iki rayon üzərində nəzarəti ələ keçirdiyini açıqlayıb.

TodayPress TV xəbər verir ki, “Əl-Məsirə” telekanalının məlumatına görə, Husilər Əl-Maafir və Əl-Mavasit rayonlarından hökumət qüvvələrini çıxardıqlarını bildiriblər. 

Hərəkat, həmçinin Prezident Liderlik Şurasının rəhbəri Rəşad əl-Əliminin keçmiş iqamətgahını ələ keçirdiyini açıqlayıb.

Qeyd edək ki, Husilər daha əvvəl Səudiyyə Ərəbistanına qarşı raket və dronlardan istifadə etməklə bir neçə hücum həyata keçirdiklərini açıqlamışdılar.

Jalə Rövşən