Yasamalda damında toyuq-cücə saxlanılan bina ilə bağlı araşdırma aparılır – RƏSMİ

Sosial şəbəkələrdə Bakının Yasamal rayonu ərazisində yerləşən 7 mərtəbəli binanın damında toyuq-cücənin saxlanılması ilə bağlı görüntülər yayılıb. Eyni zamanda görüntülərdə azyaşlıların burada velosiped sürməsi əks olunub. İddialara görə, əvvəllər sözügedən binanın damında hətta sakinlər də yaşayıb. 

Məsələ ilə bağlı TodayPress TV Yasamal rayon İcra Hakimiyyətinə sorğu ünvanlayıb.

Sorğuya cavab olaraq bildirilib ki, yayılan görüntülərlə bağlı hazırda araşdırma aparılır və fakt təsdiqləndiyi təqdirdə müvafiq tədbirlər görüləcək.

Türkan İsgəndərli