NBA çempionundan gözlənilməz etiraf: “Bu, uğursuzluq idi”
ABŞ Milli Basketbol Assosiasiyasının (NBA) çempionu Şey Gilces-Aleksander 2025/2026 mövsümünün yekunları ilə bağlı diqqətçəkən açıqlama verib.
TodayPress TV xəbər verir ki, bu barədə “Basketball Network” portalı məlumat yayıb.
“Oklahoma-Siti Tander” klubunun ulduz oyun qurucusu mövsümü şəxsi hədəfləri baxımından uğursuz hesab etdiyini bildirib:
“Bu, uğursuzluq idi. Məqsədimə çatmadım və istədiyim nəticəni əldə etmədim. Amma uğursuzluqlar sayəsində özüm haqqında çox şey öyrənirəm və sonradan karyeramın ən böyük uğurlarına nail oluram”.
Xatırladaq ki, Gilces-Aleksander ötən müntəzəm mövsümdə 68 oyunda iştirak edib. O, hər matçda orta hesabla 31,1 xal, 4,3 ribaund və 6,6 məhsuldar ötürmə ilə yadda qalıb.
Kanadalı basketbolçu son illərdə NBA-in ən parlaq ulduzlarından biri hesab olunur və Oklahoma təmsilçisinin əsas liderlərindən biridir.
Namiq HUN