Bakı Baza Tibb Kollecində müasir və beynəlxalq standartlara uyğun kadrlar hazırlanır
"Bakı Baza Tibb Kolleci müasir və beynəlxalq standartlara uyğun kadr hazırlığı aparır".
TodayPress TV xəbər verir ki, bu fikirləri ”Türk Dövlətləri Təşkilatına üzv ölkələrin Tibb bacısı və Mamalıq sahələri üzrə I Beynəlxalq elmi-praktik konfransı”nın açılışında çıxış edən səhiyyə naziri Teymur Musayev səsləndirib.
Teymur Musayev qeyd edib ki, 2 nömrəli Bakı Baza Tibb Kolleci ölkənin orta tibb mütəxəssislərinin hazırlanmasında aparıcı rol oynayır: “Müasir simulyasiya otaqları, rəqəmsal tədris resursları, OSKİ imtahan sistemi və beynəlxalq əməkdaşlıq memorandumları tədrisin keyfiyyətini yüksəldir və əmək bazarına yüksək ixtisaslı tibb bacıları və mamalar yetişdirilməsinə imkan yaradır”.