Xiaomi 18 Pro Max-ın texniki xüsusiyyətləri sızdırıldı
Çində qarşıdan gələn Xiaomi 18 Pro Max flaqmanı ilə bağlı ilk sızmalar ortaya çıxıb.
TodayPress TV "GSMArena"ya istinadən xəbər verir ki, bu barədə "Digital Chat Station" (DCS) Weibo-da paylaşım edib.
Məlumata görə, smartfon əvvəlki modeldən daha nazik olacaq və olduqca dar simmetrik çərçivələrə malik 6,9 düymlük düz LIPO OLED ekrana sahib olacaq. Ekran aşağı işıqda parlaqlığı 1 nitə endirə biləcək və BT.2020 rəng məkanını dəstəkləyəcək.
Cihazın, 2 nm proses texnologiyası ilə istehsal edilən yeni Qualcomm Snapdragon 8 Elite Gen 6 prosessoru ilə təchiz olunacağı gözlənilir.
Xatırladaq ki, əvvəlki seriya olan Xiaomi 17 25 sentyabr 2025-ci ildə təqdim edilmişdi. Hazırkı nəsil isə 7000 mAh silikon-karbon batareyasına (qlobal versiyada 6330 mAh) malikdir, Pro və Pro Max modellərində ikinci dərəcəli arxa ekran və 50 MP Light Fusion 950 əsas kamera sensoru var.
Jalə Rövşən